રંગ ભરેલી આ દુનિયામાં કેટલાંય રંગ રહે છે!
'બૂરા ન માનો હોલી હૈ' એમ કહીને,
પાછળથી એને જ ખોટું લાગી જાય છે ને ?
રંગ ભરેલી આ દુનિયામાં કેટલાંય રંગ રહે છે!
મે લીલાંછમ વૃક્ષોમાં પણ પીળાશ જોઇ છે,
ને નદીઓના તીક્ષ્ણ પ્રવાહમાં પણ હળવાશ દેખી છે!
મે કાબરોને કાગડાઓ સાથે જોઇ છે,
ને કબૂતરો સાથે ચકલીઓને નિહાળી છે !
મે જાત ભૂલી પક્ષીઓને એક સ્થાને બેઠેલાં જોયા છે!
આ રંગ ભરેલી દુનિયામાં કેટલાંય પ્રકૃતિનાં રંગ નિહાળ્યા છે!
રંગ ભરેલી આ દુનિયામાં કેટલાંય રંગ રહે છે !
ખરેખર તો, આ પ્રકૃતિનાં રંગોમાં જ સાચી સજાવટ છે,
બાકી માણસના તો રંગોમાં પણ બનાવટ છે.
રંગ ભરેલી આ દુનિયામાં કેટલાંય રંગ રહે છે!
રંગો પણ એક દિવસ એકમેકમાં ભળી જાય છે!
પણ,માણસ તો રંગો સાથે પણ રંગહીન રહી જાય છે !!
~ યાજ્ઞિક રાવલ ✍🏻
25/03/2024