પુરાવા આપો !

સોશિયલ મીડિયા પર કોઈ જાહેરાત આપો, કહો લોકોને કાં તો અખબારમાં છાપો, ઈશ્વર, તમારા અસ્તિત્વના કોઈ પુરાવા આપો ! સત્ય જ છે જો ઈશ્વર, તો સત્ય સામે કેમ ઉપડે તલવાર ? કાં તો અજ્ઞાની માણસોને જ્ઞાન આપો. ઈશ્વર, તમારા અસ્તિત્વના કોઈ પુરાવા આપો ! અન્યાયનો હંમેશા અંત થાય છે, ને ન્યાયની હંમેશા જીત થાય છે. તો અન્યાય આગળ ન્યાય કેમ ઝૂકે છે ? અન્યાય સામે ન્યાયની મજબૂતાઈના પુરાવા આપો ! થાકી ગયો છું તમારું રટણ કરતાં, મંદિરમાં તમે કેમ નથી મળતાં ? કાં તો મારા પ્રશ્નોના ઉત્તર આપો, કાં તો તમારી હાજરીના પુરાવા આપો ! આજનો માનવ પ્રત્યક્ષતામાં માને છે, એટલે એ અસ્તિત્વનું પ્રમાણ માગે છે ! ઈશ્વર, તમારા અસ્તિત્વના કોઈ પુરાવા આપો ! ~ યાજ્ઞિક રાવલ ✍🏻 (13/10/2024)