અંતરના આંગણેથી એક સ્મરણ વિખૂટું પડ્યું !

ફરી એકવાર તેજ ગતિથી હૃદય ધબક્યું, આજ મારા મનને યાદોએ રત્નોથી જડ્યું. અનંત એકાંતમાં હતું કદાચ એટલે લપસ્યું, અંતરના આંગણેથી એક સ્મરણ વિખૂટું પડ્યું ! ક્યારેક બાળપણની સ્મૃતિઓ વચ્ચે પટકાયું, ક્યારેક સપનાની સાંકળ વચ્ચે મલકાયું. કેટલીક અણધારી વાતો વચ્ચે એ ફસાયું, વિખરાતી પળોના પ્રકાશ વચ્ચે એ દેખાયું ! સંસ્મરણોના સમુદ્રમાં સર્જાયેલી લહેરો વચ્ચે, ઉલ્લાસથી ઊછળતું એક સ્મરણ ખોવાયું ! ફરી એકવાર તેજ ગતિથી હૃદય ધબક્યું, અંતરના આંગણેથી એક સ્મરણ વિખૂટું પડ્યું ! ~ યાજ્ઞિક રાવલ ✍🏻