એક નહિ અનેક છે પડછાયા !
દુઃખના જ નહિ, સુખના પણ હોય છે પડછાયા !
સત્યની શોધમાં નીકળેલો માણસ,
વૃક્ષના મૂળમાં સત્ય શોધતો માણસ !
આશા-નિરાશા વચ્ચે અથડાતો માણસ !
પડછાયાઓ વચ્ચે અટવાતો માણસ !
પ્રેમમાં પાંગરતો માણસ,
વિરહની વેદનામાં તરફડતો માણસ !
અજ્ઞાનમાં વિજ્ઞાન શોધતો માણસ,
હજારો પ્રકાશવર્ષ દૂર દેખતો માણસ,
અંધકારમાં પણ પ્રકાશ પાથરતો માણસ !
પડછાયાઓ વચ્ચે અટવાતો માણસ !
જાત જાતના પડછાયાઓ વચ્ચે અટવાતો માણસ,
શું અંતે પડછાયામાં ભળી જશે,
કે પડછાયો એને ભરખી જશે!
~ યાજ્ઞિક રાવલ